સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં વિવિધ જનકલ્યાણલક્ષી પહેલ થકી ગ્રામીણથી શહેરી, પ્રત્યેક નાગરિકના જીવનધોરણમાં સકારાત્મક પરિવર્તન લાવતા ગુજરાતના સમાચાર. #અગ્રેસર_ગુજરાત

મુખ્યમંત્રી શ્રી ભૂપેન્દ્રભાઈ પટેલની ચંડીગઢથી 'યુવા સંગમ' પહેલ અંતર્ગત ગુજરાતની મુલાકાતે આવેલા આશરે 40 સભ્યોના વિદ્યાર્થી પ્રતિનિધિમંડળ સંસ્થાકીય પ્રતિનિધિઓએ ગાંધીનગર ખાતે શુભેચ્છા મુલાકાત લીધી હતી. માનનીય વડાપ્રધાન શ્રી નરેન્દ્રભાઈ મોદીએ આપેલા ‘એક ભારત શ્રેષ્ઠ ભારત’ મંત્રને સાકાર કરતી કેન્દ્રીય શિક્ષણ મંત્રાલયના ઉચ્ચ શિક્ષણ વિભાગની આ પહેલના માધ્યમથી વિદ્યાર્થીઓ વિવિધ રાજ્યોની સંસ્કૃતિ, પરંપરાઓ, વારસો, વિકાસના મોડેલો, નવીનતાઓ અને ટેકનોલૉજિકલ પ્રગતિ વિશે પ્રત્યક્ષ જાણકારી મેળવે એવો ધ્યેય રાખવામાં આવ્યો છે. મુખ્યમંત્રીશ્રીએ વિદ્યાર્થીઓ સાથેના સંવાદમાં જીવનમાં સકારાત્મકતા સાથે પ્રગતિ સાધવા તેમજ ગુજરાતની વિકાસયાત્રાની તેમણે કરેલી અનુભૂતિ અંગે પોતાના રાજ્યમાં ખુલ્લા મને ચર્ચા કરવા અનુરોધ કર્યો હતો. માનનીય વડાપ્રધાન શ્રી નરેન્દ્રભાઈ મોદીની વિઝનરી લીડરશીપમાં વિકાસના રોલમોડલ બનેલ ગુજરાતની વિશેષતાઓ પણ મુખ્યમંત્રીશ્રીએ યુવાછાત્રો સમક્ષ કરી પ્રસ્તુત કરી હતી.

મુખ્યમંત્રી શ્રી ભૂપેન્દ્રભાઈ પટેલને રાજ્ય સરકારના સાહસ ગુજરાત એનર્જી લિમિટેડ (GEL) દ્વારા ₹324 કરોડ અને જીએસપીએલ ટ્રાન્સમિશન લિમિટેડ (GTL) દ્વારા ₹60.67 કરોડ મળી નાણાંકીય વર્ષ 2025-26 માટે કુલ ₹384.67 કરોડના ડિવિડન્ડના ચેક અર્પણ કરવામાં આવ્યા હતા. અત્રે ઉલ્લેખનીય છે કે, GEL અને GSPL ટ્રાન્સમિશન લિમિટેડ દ્વારા ચુકવાયેલું આ ડિવિડન્ડ રાજ્ય સરકારના તાબા હેઠળની કોઈ પણ કંપની દ્વારા એક જ નાણાકીય વર્ષમાં સરકારને ચૂકવવામાં આવેલું અત્યાર સુધીનું સૌથી વધુ ડિવિડન્ડ છે.

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં સંસ્કૃતિ અને પરંપરાની આગવી વિરાસતને આનંદે ઉજવતા ગુજરાતના સમાચાર. #અગ્રેસર_ગુજરાત

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં વિવિધ જળ યોજનાઓ થકી ખેતરે-ખેતરે સિંચાઈ અને ઘરે-ઘરે પીવાનું પાણી પહોંચાડવા કટિબદ્ધ ગુજરાતના સમાચાર. #અગ્રેસર_ગુજરાત

શાબાશ ગુજરાત..! 'પ્રધાનમંત્રી ધન ધાન્ય કૃષિ યોજના'માં રાજ્યના ત્રણ જિલ્લાઓનું રાષ્ટ્રીય સ્તરે સન્માન. માનનીય વડાપ્રધાન શ્રી નરેન્દ્રભાઈ મોદી દ્વારા શરૂ કરાયેલી 'પ્રધાનમંત્રી ધન ધાન્ય કૃષિ યોજના'નું સફળ એક વર્ષ પૂર્ણ થવા પ્રસંગે નવી દિલ્હી ખાતે યોજાયેલા રાષ્ટ્રીય સમારોહમાં કેન્દ્રીય કૃષિ મંત્રી શ્રી શિવરાજસિંહ ચૌહાણના હસ્તે કચ્છ જિલ્લાને બેટર ગવર્નન્સ અને સર્વિસ ડિલેવરી માટે, જ્યારે દાહોદ અને છોટાઉદેપુર જિલ્લાને ઈમ્પ્રુવિંગ ઈરિગેશન ઈન્ફ્રાસ્ટ્રક્ચરમાં અજોડ પ્રદાન બદલ રાષ્ટ્રીય કક્ષાએ સન્માનિત કરવામાં આવ્યા છે. મુખ્યમંત્રી શ્રી ભૂપેન્દ્રભાઈ પટેલે વહીવટી તંત્રની આ સિદ્ધિને બિરદાવતા સમગ્ર ટીમને અભિનંદન પાઠવ્યા છે. યોજનાના પ્રથમ વર્ષમાં જ પ્રાપ્ત થયેલી આ ઝળહળતી સફળતા ગુજરાતના સુચારુ વહીવટ અને ખેડૂતોના સર્વાંગી કલ્યાણ પ્રત્યેની દ્રઢ કટિબદ્ધતાનું ઉત્કૃષ્ટ ઉદાહરણ પૂરું પાડે છે. #શાબાશ_ગુજરાત

સિંચાઈ તથા પીવાના પાણીની સમસ્યાના કાયમી ઉકેલ સમાન ‘દમણગંગા બેરેજ યોજના’ દક્ષિણ ગુજરાત માટે પ્રગતિ અને સુખાકારીના નવાં દ્વાર ખોલશે. માનનીય વડાપ્રધાન શ્રી નરેન્દ્રભાઈ મોદીના નેતૃત્વમાં સમગ્ર દેશમાં છેવાડાના માણસ સુધી સિંચાઇ અને પીવાનું પાણી પહોંચાડવાની મજબૂત વ્યવસ્થા ગોઠવવામાં આવી રહી છે. મુખ્યમંત્રી શ્રી ભૂપેન્દ્રભાઈ પટેલના નેતૃત્વ અને માર્ગદર્શનમાં વલસાડ જિલ્લામાં દમણગંગા નદી પર ₹159.50 કરોડના ખર્ચે તૈયાર થનાર કુલ 5.49 મિલિયન ઘન મીટર (MCM) જળ સંગ્રહ ક્ષમતા ધરાવતી ‘દમણગંગા બેરેજ યોજના’ હવે ટૂંક સમયમાં શરૂ થશે. દક્ષિણ ગુજરાતના આદિજાતિ વિસ્તારમાં આકાર પામનારી આ મહાત્ત્વાકાંક્ષી યોજના થકી વલસાડ જિલ્લામાં આશરે 549 હેક્ટર વિસ્તારને સિંચાઈનો લાભ મળશે તેમજ ભૂગર્ભજળ રિચાર્જ થશે અને જળસંચયનું કામ થશે. આ પ્રોજેક્ટથી વાપી શહેર અને આસપાસના વિસ્તારોની ઔદ્યોગિકની પાણીની જરૂરિયાતો માટે પણ પાણીની ઉપલબ્ધતા મળશે.

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં શક્તિની ભક્તિ અને આસ્થા સાથે આનંદની અભિવ્યક્તિ કરતા ગુજરાતના સમાચાર. #અગ્રેસર_ગુજરાત

મુખ્યમંત્રી શ્રી ભૂપેન્દ્રભાઈ પટેલે વાઈબ્રન્ટ નવરાત્રિના શુભારંભ પૂર્વે ગુજરાત લાઈવલીહુડ પ્રમોશન કંપની દ્વારા આયોજિત સ્વસહાય જૂથો અને સખી મંડળોની બહેનોના ગૃહઉદ્યોગ તેમજ હસ્તકલા કારીગરીના ઉત્પાદનોના મેળાનું ઉદઘાટન કર્યું હતું. મુખ્યમંત્રીશ્રીએ વિવિધ સ્ટોલ્સની મુલાકાત લઈને સખી મંડળની બહેનો સાથે સંવાદ કર્યો હતો તેમજ તેમના ઉત્પાદનો વિશે રસપૂર્વક જાણકારી મેળવીને તેમને પ્રોત્સાહન પૂરું પાડ્યું હતું. #VibrantNavratri2026

LIVE: મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે અમદાવાદ ખાતે 'વાઈબ્રન્ટ નવરાત્રી મહોત્સવ 2026'નો શુભારંભ. nitter.siddz.com/i/broadcasts/1DGleVPlA…

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં મહિલાઓને વિકાસયાત્રામાં ડેવલપમેન્ટ પાર્ટનર બનાવવા સંકલ્પબદ્ધ ગુજરાતના સમાચાર. #અગ્રેસર_ગુજરાત

આદ્યશક્તિની ઉપાસના, ગુજરાતની અસ્મિતા અને સમૃદ્ધ લોકસંસ્કૃતિના પ્રતીક સમા ‘વાઇબ્રન્ટ નવરાત્રિ મહોત્સવ 2026’માં રાસ-ગરબાના તાલે ભક્તિ બનશે શક્તિનો અદ્વિતીય ઉત્સવ. યુનેસ્કો દ્વારા અમૂર્ત સાંસ્કૃતિક વારસા તરીકે માન્યતા પ્રાપ્ત ગરબાની વિરાસતને નવી ઊંચાઈએ લઈ જવાના સંકલ્પ સાથે મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે આજે ગુજરાત યુનિવર્સિટી ગ્રાઉન્ડ, અમદાવાદ ખાતે થશે આ ભવ્ય મહોત્સવનો શુભારંભ. આવો, આસ્થા, આરાધના અને આનંદના તાલે રંગાઈને ગરબાના આ જનઉત્સવમાં ઉલ્લાસભેર સહભાગી બનીએ અને આદ્યશક્તિની ઉપાસનાની પરંપરાને વિશ્વ સમક્ષ ઉજાગર કરીએ.

મુખ્યમંત્રી શ્રી ભૂપેન્દ્રભાઈ પટેલે વિવિધ મહિલા સ્વસહાય જૂથોની બહેનો દ્વારા હસ્તકલાની વિવિધ ચીજ-વસ્તુઓના પ્રદર્શન સહ વેચાણ માટે રાજકોટમાં રેસકોર્સ ખાતે આયોજિત ત્રિ-દિવસીય 'સરસ મેળા'નો પ્રારંભ કરાવ્યો હતો. મુખ્યમંત્રીશ્રીએ સખી મંડળની બહેનો સાથે પ્રેરક સંવાદ સાધીને તેમના ઉત્પાદનોની જાણકારી મેળવી હતી.