Happy to share that our Koti Vruksha Abhiyana-a model initiative ideated and executed in Vijayapura-has its inspiring story featured in #TheNewYorkTimes! An incredible story of a people’s movement: 1.5 crore trees planted, raising forest cover from just 0.17% to 2%. A true testament to political will, systemic action & the power of collective participation. Proud that Vijayapura’s green success is inspiring the world! My heartfelt thanks to all the stakeholders and the people of Vijayapura. nytimes.com/card/2025/09/02/…

ಪೋಲೀಸ್ ಸಂಸ್ಮರಣಾ ದಿನದಂದು, ನಮ್ಮ ಪೊಲೀಸರ ಧೈರ್ಯ, ಕರ್ತವ್ಯನಿಷ್ಠೆ ಮತ್ತು ಪ್ರಾಮಾಣಿಕತೆಗೆ ಗೌರವ ಸಲ್ಲಿಸೋಣ. ಸಮಾಜದ ರಕ್ಷಣೆಯಲ್ಲಿಯೇ ಹುತಾತ್ಮರಾದ ಪೊಲೀಸರ ಸೇವೆ, ಶೌರ್ಯ ಸದಾ ಸ್ಮರಣೀಯ. #PoliceCommemorationDay

ವಿಜಯಪುರ ನಗರದ ಹೈಪರ್ ಮಾರ್ಟ್ ಬಳಿಯ ಬಸವೇಶ್ವರ ನಗರ ಸೇರಿದಂತೆ ಸುತ್ತಮುತ್ತಲಿನ ಆರು ಬಡಾವಣೆಗಳ ನಾಗರಿಕರು ಒಗ್ಗೂಡಿ, ಅನ್ನಪೂರ್ಣೇಶ್ವರಿ ದೇವಸ್ಥಾನ ಸೇವಾ ಸಮಿತಿಯ ವತಿಯಿಂದ ಪ್ರತಿಷ್ಠಾಪಿಸಿರುವ ನಾಡದೇವಿಯ ದರ್ಶನ ಪಡೆದು, ಸರ್ವರ ಒಳಿತು ಬಯಸಿ ವಿಶೇಷ ಪೂಜೆ ಹಾಗೂ ಪ್ರಾರ್ಥನೆ ಸಲ್ಲಿಸಿದೆ. ಈ ಸಂದರ್ಭದಲ್ಲಿ ಶ್ರೀ ಸೋಮನಾಥ ಶಿವಾಚಾರ್ಯರು ದಿವ್ಯ ಸಾನ್ನಿಧ್ಯ ವಹಿಸಿದ್ದರು. ಮಾಜಿ ಶಾಸಕರಾದ ಶ್ರೀ ರಾಜು ಆಲಗೂರ, ಶ್ರೀ ಸಚಿನ್, ಶ್ರೀ ಬಸವರಾಜ ಚಹ್ವಾಣ ಸೇರಿದಂತೆ ಹಲವು ಗಣ್ಯರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಇಂತಹ ಉತ್ಸವಗಳು ಸಮಾಜದ ಎಲ್ಲ ವರ್ಗದ ಜನರನ್ನು ಒಗ್ಗೂಡಿಸಿ, ಪರಸ್ಪರ ಪ್ರೀತಿ, ಸೌಹಾರ್ದ ಹಾಗೂ ಬಾಂಧವ್ಯವನ್ನು ಬೆಸೆಯಲು ಸಹಕಾರಿಯಾಗುತ್ತವೆ. #ನವರಾತ್ರಿಉತ್ಸವ #ದಸರಾ #ನವರಾತ್ರಿಸಂಭ್ರಮ

ಕೆಡುಕಿನ ವಿರುದ್ಧ ಒಳ್ಳೆಯತನ, ಅಸತ್ಯದ ವಿರುದ್ಧ ಸತ್ಯ ವಿಜಯ ಸಾಧಿಸುವುದೇ ವಿಜಯದಶಮಿಯ ಸಂದೇಶ. ಈ ಶುಭದಿನವು ಪ್ರತಿಯೊಬ್ಬರ ಬದುಕಿನಲ್ಲಿ ಹೊಸ ಭರವಸೆ, ಯಶಸ್ಸು, ಸುಖ-ಶಾಂತಿ ಹಾಗೂ ಸಮೃದ್ಧಿಯನ್ನು ತರಲಿ. ಸತ್ಯ ಮತ್ತು ಧರ್ಮದ ಹಾದಿಯಲ್ಲಿ ಮುನ್ನಡೆಯುವ ಸಂಕಲ್ಪ ನಮ್ಮೆಲ್ಲರದಾಗಲಿ. ನಾಡಿನ ಸಮಸ್ತ ಜನತೆಗೆ ವಿಜಯದಶಮಿ ಹಬ್ಬದ ಹಾರ್ದಿಕ ಶುಭಾಶಯಗಳು! #ವಿಜಯದಶಮಿ #ನವರಾತ್ರಿ

ಮಾಜಿ ಸಚಿವರು, ಶಾಸಕರಾದ ಶ್ರೀ ಶಿವಾನಂದ ಪಾಟೀಲರ ಪುತ್ರ ಸತ್ಯಜೀತ್ ಪಾಟೀಲರ ವಿವಾಹ ನಿಶ್ಚಿತಾರ್ಥ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಹಸೆಮಣೆ ಏರಲಿರುವ ನೂತನ ಜೋಡಿಗೆ ಶುಭ ಹಾರೈಸಿ ಆಶೀರ್ವದಿಸಿದೆ. ಮಾಜಿ ಶಾಸಕರಾದ ಶ್ರೀ ರಾಜು ಆಲಗೂರ, ಕಾಂಗ್ರೆಸ್ ಮುಖಂಡರಾದ ಶ್ರೀ ಅಬ್ದುಲ್ ಹಮೀದ್ ಮುಶ್ರೀಫ್ ಜೊತೆಗಿದ್ದರು.

ಹೂಡಿಕೆಯಿಂದ ಅನುಷ್ಠಾನದವರೆಗೆ ಸಮಗ್ರ ಕರ್ನಾಟಕದಲ್ಲಿ ಕೈಗಾರಿಕಾ ವಿಸ್ತರಣೆ ಕೈಗಾರಿಕಾ ಕರ್ನಾಟಕದ ನಿರ್ಮಾಣದ ನಮ್ಮ ಸರ್ಕಾರದ ಸಂಕಲ್ಪಕ್ಕೆ ಅನುಗುಣವಾಗಿ, ಹೂಡಿಕೆ ಒಡಂಬಡಿಕೆಗಳು ಕೇವಲ ಕಾಗದದ ಮೇಲಿನ ಭರವಸೆಗಳಾಗಿ ಉಳಿಯದೆ, ನೆಲಮಟ್ಟದಲ್ಲಿ ಸಾಕಾರಗೊಳ್ಳುತ್ತಿವೆ. ‘ಜಿಮ್‌–2025’ರ ₹10.27 ಲಕ್ಷ ಕೋಟಿ ಹೂಡಿಕೆ ಪ್ರಸ್ತಾವನೆಗಳ ಪೈಕಿ ₹5.20 ಲಕ್ಷ ಕೋಟಿಗೂ ಅಧಿಕ ಹೂಡಿಕೆ ಸಾಕಾರವಾಗಿದ್ದು, ಉತ್ಪಾದನಾ ವಲಯದಲ್ಲಿ ಶೇ.65ರಷ್ಟು ಪ್ರಗತಿ ದಾಖಲಾಗಿದೆ. ಹೂಡಿಕೆಗಳಿಗೆ ವೇಗ, ಕೈಗಾರಿಕೆಗಳಿಗೆ ಬಲ ಹಾಗೂ ಸಮತೋಲಿತ ಪ್ರಾದೇಶಿಕ ಅಭಿವೃದ್ಧಿಗೆ ಆದ್ಯತೆ ನೀಡುವ ಮೂಲಕ ಸಮೃದ್ಧ ಕರ್ನಾಟಕದ ನಿರ್ಮಾಣದತ್ತ ನಮ್ಮ ಸರ್ಕಾರದ ಪಯಣ ನಿರಂತರವಾಗಿದೆ. #GIM2025 #beyondbengaluru #InvestKarnataka

ಬಬಲೇಶ್ವರ ತಾಲೂಕಿನ ಸಂಗಾಪುರದಲ್ಲಿ ಇಂದು ನಡೆದ ಗ್ರಾಮ ದೇವತೆ ಶ್ರೀ ದುರ್ಗಾದೇವಿಯ ಜಾತ್ರಾ ಮಹೋತ್ಸವದ ದೃಶ್ಯಾವಳಿಗಳು... #ನವರಾತ್ರಿಉತ್ಸವ

#ಬಬಲೇಶ್ವರ ತಾಲೂಕಿನ #ಸಂಗಾಪುರ ದಲ್ಲಿ ಇಂದು ನಡೆದ ಗ್ರಾಮ ದೇವತೆ ಶ್ರೀ ದುರ್ಗಾದೇವಿಯ ಜಾತ್ರಾ ಮಹೋತ್ಸವದಲ್ಲಿ ಪಾಲ್ಗೊಂಡು, ದೇವಿಯ ದರ್ಶನ ಪಡೆದು ಪೂಜೆ ಸಲ್ಲಿಸಿದೆ. ಜಾತ್ರೆಯ ಅಂಗವಾಗಿ ಆಯೋಜಿಸಿದ್ದ ಕ್ರೀಡಾಕೂಟದಲ್ಲಿ ವಿಜೇತರಾದವರಿಗೆ ಬಹುಮಾನ ವಿತರಿಸಿ ಅಭಿನಂದಿಸಿದೆ. ಮೈಸೂರಿನಂತೆ ಸಂಗಾಪುರದಲ್ಲಿಯೂ ದಸರಾ ಉತ್ಸವವು ಭಕ್ತಿಭಾವದಿಂದ ನಡೆಯುತ್ತಿರುವುದು ಸಂತಸದ ಸಂಗತಿ. ತಾಯಿ ದುರ್ಗಾದೇವಿಯು ಎಲ್ಲರಿಗೂ ಸುಖ, ಶಾಂತಿ ಮತ್ತು ಸಮೃದ್ಧಿಯನ್ನು ಕರುಣಿಸಲಿ ಎಂದು ಪ್ರಾರ್ಥಿಸಿದೆ. #ನವರಾತ್ರಿಉತ್ಸವ #ದಸರಾ

ಖ್ಯಾತ ಇತಿಹಾಸಕಾರರಾದ ಡಾ. ಕೃಷ್ಣಾಕೊಲ್ಹಾರ ಕುಲಕರ್ಣಿ ಮನೆತನದ ಐತಿಹಾಸಿಕ ಪರಂಪರೆ; ಶತಮಾನಗಳ ಭಕ್ತಿಗೆ ಸಾಕ್ಷಿಯಾದ ಶ್ರೀ ವೆಂಕಟೇಶ್ವರ ಸ್ವಾಮಿ ವಿಗ್ರಹಗಳು! ವಿಜಯಪುರ ಜಿಲ್ಲೆಯ ಕೊಲ್ಹಾರದಲ್ಲಿ ನೆಲೆಸಿರುವ ಸುಪ್ರಸಿದ್ಧ ಇತಿಹಾಸಕಾರರಾದ ಡಾ. ಶ್ರೀ ಕೃಷ್ಣ ಕೊಲ್ಹಾರ ಕುಲಕರ್ಣಿ ಅವರ ಮನೆಗೆ ತೆರಳಿ, ಬಹುಕಾಲದಿಂದ ಭಕ್ತಿಭಾವದಿಂದ ಆರಾಧಿಸಿಕೊಂಡು ಬಂದಿರುವ ಶ್ರೀ ವೆಂಕಟೇಶ್ವರ ಸ್ವಾಮಿ ಹಾಗೂ ಶ್ರೀದೇವಿ ಮತ್ತು ಭೂದೇವಿಯ ವಿಗ್ರಹಗಳ ದರ್ಶನ ಪಡೆದು ಪ್ರಸಾದ ಸ್ವೀಕರಿಸಿದೆ. ಈ ಸಂದರ್ಭದಲ್ಲಿ ಅವರು ತಮ್ಮ ಮನೆತನದ ಧಾರ್ಮಿಕ ಪರಂಪರೆ ಹಾಗೂ ಐತಿಹಾಸಿಕ ಹಿನ್ನೆಲೆಯ ಕುರಿತು ವಿವರಗಳನ್ನು ಹಂಚಿಕೊಂಡರು. ಆಂಧ್ರಪ್ರದೇಶದ ಗುತ್ತಿಯ ಪಾಳೆಯಗಾರರಾಗಿದ್ದ ಈ ಮನೆತನವು ಕ್ರಿ.ಶ. 1565ರಲ್ಲಿ ವಿಜಯನಗರ ಸಾಮ್ರಾಜ್ಯದ ಪತನದ ಬಳಿಕ ವಿಜಯಪುರ ಜಿಲ್ಲೆಯ ಕೊಲ್ಹಾರಕ್ಕೆ ಆಗಮಿಸಿ ನೆಲೆಸಿತು. ಆದಿಲಶಾಹಿಗಳ ಕಾಲದಲ್ಲಿ ಏಳೂರು ಕುಲಕರ್ಣಿಕೆ ಹಕ್ಕನ್ನು ಪಡೆದುಕೊಂಡು ಇಲ್ಲಿ ನೆಲೆಸಿದ ಈ ಮನೆತನವು ತನ್ನ ಐತಿಹಾಸಿಕ ಪರಂಪರೆಯನ್ನು ಇಂದಿಗೂ ಉಳಿಸಿಕೊಂಡು ಬಂದಿದೆ. ಮನೆತನದ ಕುಲದೇವರಾದ ತಿರುಪತಿಯ ಶ್ರೀ ವೆಂಕಟೇಶ್ವರ ಸ್ವಾಮಿಯೊಂದಿಗೆ ಶ್ರೀದೇವಿ ಮತ್ತು ಭೂದೇವಿಯ ವಿಗ್ರಹಗಳನ್ನೂ ಇಲ್ಲಿಗೆ ತರಲಾಗಿತ್ತು ಎಂಬುದು ವಿಶೇಷ. ಈ ವಿಗ್ರಹಗಳು ಸುಮಾರು 700 ವರ್ಷಗಳಷ್ಟು ಪುರಾತನವೆಂದು ಹೇಳಲಾಗುತ್ತಿದ್ದು, ಪ್ರತಿವರ್ಷ ನವರಾತ್ರಿಯ ಸಂದರ್ಭದಲ್ಲಿ ಹತ್ತು ದಿನಗಳ ಕಾಲ ನಂದಾದೀಪದೊಂದಿಗೆ ಭಕ್ತಿಪೂರ್ವಕವಾಗಿ ಆರಾಧಿಸುವ ಸಂಪ್ರದಾಯವನ್ನು ಇಂದಿಗೂ ಮುಂದುವರಿಸಿಕೊಂಡು ಬಂದಿದ್ದಾರೆ. ಇಂತಹ ಅಪರೂಪದ ಧಾರ್ಮಿಕ ಸಂಪ್ರದಾಯಗಳು ನಮ್ಮ ನಾಡಿನ ಶ್ರೀಮಂತ ಇತಿಹಾಸ, ಸಂಸ್ಕೃತಿ ಮತ್ತು ಪರಂಪರೆಯನ್ನು ಮುಂದಿನ ಪೀಳಿಗೆಗೆ ಪರಿಚಯಿಸುವ ಅಮೂಲ್ಯ ಕೊಂಡಿಗಳಾಗಿವೆ.

ಹೊನವಾಡ, ತಿಕೋಟಾ, ಕಾಖಂಡಕಿಯಲ್ಲಿ ಭಕ್ತಿಭಾವದಿಂದ ಜರುಗಿದ ನವರಾತ್ರಿ ಸಂಭ್ರಮ! #ನವರಾತ್ರಿಉತ್ಸವ #ನವರಾತ್ರಿಸಂಭ್ರಮ

ನಮ್ಮ ಬದುಕಿಗೆ ಶಕ್ತಿ, ಭದ್ರತೆ ಮತ್ತು ಯಶಸ್ಸು ನೀಡುವ ಆಯುಧಗಳು, ಉಪಕರಣಗಳು ಹಾಗೂ ನಾವು ಕಾಯಕಕ್ಕಾಗಿ ಬಳಸುವ ಪ್ರತಿಯೊಂದು ಸಾಧನವನ್ನು ಗೌರವಿಸುವ ಪವಿತ್ರ ದಿನವೇ ಆಯುಧಪೂಜೆ. ಕಾಯಕವೇ ಕೈಲಾಸ ಎಂಬ ಬಸವಣ್ಣನವರ ವಚನದ ಆಶಯದಂತೆ, ನಮ್ಮ ಕಾಯಕದ ಸಾಧನಗಳನ್ನು ಪೂಜಿಸಿ, ಶ್ರಮಕ್ಕೆ ಗೌರವ ಸಲ್ಲಿಸೋಣ. ತಾಯಿ ದುರ್ಗೆಯ ಕೃಪೆಯಿಂದ ಎಲ್ಲರ ಬದುಕಿನಲ್ಲಿ ಸುಖ, ಶಾಂತಿ, ಸಮೃದ್ಧಿ ನೆಲೆಸಿ, ಪ್ರತಿಯೊಂದು ಪ್ರಯತ್ನದಲ್ಲೂ ಯಶಸ್ಸು ದೊರೆಯಲಿ. ನಾಡಿನೆಲ್ಲೆಡೆ ಒಳಿತಿನ ಬೆಳಕು ಹರಡಲಿ. ಸರ್ವರಿಗೂ ಮಹಾನವಮಿ ಹಾಗೂ ಆಯುಧಪೂಜೆಯ ಹಾರ್ದಿಕ ಶುಭಾಶಯಗಳು #ಮಹಾನವಮಿ #ಆಯುಧಪೂಜೆ

ತಿಕೋಟಾ ಪಟ್ಟಣದ ಜಗಜ್ಯೋತಿ ಬಸವೇಶ್ವರ ವೃತ್ತದಲ್ಲಿ ನಾಡದೇವಿ ಉತ್ಸವ ಮಂಡಳಿಯವರು ಆಯೋಜಿಸಿದ್ದ ನಾಡದೇವಿ ಉತ್ಸವದಲ್ಲಿ ಹಾಗೂ ಕಾಖಂಡಕಿಯಲ್ಲಿ ಪರಮಪೂಜ್ಯ ಶಿವಯೋಗೀಶ್ವರ ಸ್ವಾಮೀಜಿಯವರ ದಿವ್ಯ ಸಾನ್ನಿಧ್ಯದಲ್ಲಿ ನಡೆದ ನವರಾತ್ರಿ ಉತ್ಸವದಲ್ಲಿ ಪಾಲ್ಗೊಂಡು ದೇವಿಯ ದರ್ಶನ ಪಡೆದೆ. ಭಕ್ತಿ, ಶ್ರದ್ಧೆ ಹಾಗೂ ಸಡಗರದಿಂದ ನಡೆಯುವ ಇಂತಹ ಉತ್ಸವಗಳು ನಮ್ಮ ನಾಡಿನ ಸಂಸ್ಕೃತಿ, ಪರಂಪರೆ ಮತ್ತು ಧಾರ್ಮಿಕ ಮೌಲ್ಯಗಳನ್ನು ಉಳಿಸಿ ಬೆಳೆಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತವೆ. ನಾಡದೇವಿಯ ಕೃಪೆಯಿಂದ ನಾಡಿನ ಸಮಸ್ತ ಜನತೆಗೆ ಸುಖ, ಶಾಂತಿ, ಸಮೃದ್ಧಿ ಹಾಗೂ ಆರೋಗ್ಯ ಲಭಿಸಲಿ ಎಂದು ಪ್ರಾರ್ಥಿಸುತ್ತೇನೆ. #ನವರಾತ್ರಿಉತ್ಸವ

ಹೊನ್ನಿನ ವಾಡವಾದ ಹೊನವಾಡದಲ್ಲಿ ನವರಾತ್ರಿ ಸಂಭ್ರಮ! ಹೊನವಾಡದ ವೆಂಕಟೇಶ್ವರ ತರುಣ ಸಂಘದವರು ಪ್ರತಿಷ್ಠಾಪಿಸಿರುವ ದೇವಿಯ ದರ್ಶನ ಪಡೆದು, ನಾಡಿನ ಸಮಸ್ತ ಜನತೆಯ ಒಳಿತು ಹಾಗೂ ಸುಖ-ಸಮೃದ್ಧಿಗಾಗಿ ಪ್ರಾರ್ಥನೆ ಸಲ್ಲಿಸಿದೆ. ಮೈಸೂರು ಭಾಗದಲ್ಲಿ ಮಾತ್ರ ವಿಜೃಂಭಣೆಯಿಂದ ನಡೆಯುತ್ತಿರುವ ದಸರಾ ಆಚರಣೆ, ಇಂದು ನಮ್ಮ ಭಾಗದಲ್ಲಿಯೂ ಶ್ರದ್ಧೆ, ಭಕ್ತಿ ಹಾಗೂ ಸಡಗರದಿಂದ ನಡೆಯುತ್ತಿರುವುದು ಸಂತಸ ತಂದಿದೆ. ಒಂದು ಕಾಲದಲ್ಲಿ ತೀವ್ರ ಕುಡಿಯುವ ನೀರಿನ ಸಮಸ್ಯೆ ಎದುರಿಸುತ್ತಿದ್ದ ಹೊನವಾಡದಲ್ಲಿ, ಬೇಸಿಗೆಯಲ್ಲಿ ನೂರಾರು ಟ್ಯಾಂಕರ್‌ಗಳ ಮೂಲಕ ನೀರು ಪೂರೈಸಬೇಕಾದ ಪರಿಸ್ಥಿತಿ ಇತ್ತು. ಆದರೆ, ಇಂದು ಹೊನವಾಡ ಸೇರಿದಂತೆ ಜಿಲ್ಲೆಯ ಎಲ್ಲಿಯೂ ನೀರಿನ ಪೂರೈಕೆಗಾಗಿ ಒಂದೇ ಒಂದು ಟ್ಯಾಂಕರ್ ಬಳಸುವ ಅಗತ್ಯವಿಲ್ಲದಿರುವುದು ಅಭಿವೃದ್ಧಿಯ ಮಹತ್ವದ ಬದಲಾವಣೆಗೆ ಸಾಕ್ಷಿಯಾಗಿದೆ. ಗ್ರಾಮದ ಬನಶಂಕರಿ ದೇವಸ್ಥಾನದ ಅಭಿವೃದ್ಧಿಗೂ ನೆರವು ನೀಡಲಾಗಿದೆ. ಹೊನವಾಡದ 2 ಶಾಲೆಗಳಿಗೆ ಸಿಎಸ್‌ಆರ್‌ ಯೋಜನೆಯಡಿ ಸುಸಜ್ಜಿತ ಕಟ್ಟಡಗಳನ್ನು ನಿರ್ಮಿಸಲು ನಿರ್ಧರಿಸಲಾಗಿದ್ದು, ನವೆಂಬರ್‌ 1ರಿಂದ ಕಾಮಗಾರಿ ಆರಂಭವಾಗಲಿದೆ. ತುಬಚಿ–ಬಬಲೇಶ್ವರ ನೀರಾವರಿ ಯೋಜನೆಯಿಂದಾಗಿ ನೀರು ಹರಿಯುತ್ತಿದ್ದು, ಹೊನವಾಡ ಗ್ರಾಮದ ಸುಮಾರು 14 ಸಾವಿರ ಎಕರೆ ಜಮೀನು ನೀರಾವರಿ ಸೌಲಭ್ಯ ಪಡೆದಿದೆ. ಇದರಿಂದ ಕೃಷಿ ಚಟುವಟಿಕೆಗಳಿಗೆ ಹೊಸ ಚೈತನ್ಯ ದೊರೆತಿದ್ದು, ಹೊನವಾಡ- ಹೊನ್ನಿನ ವಾಡವಾಗಿ-ಬಂಗಾರದ ಬೀಡು ಎನಿಸಿದೆ! #ನವರಾತ್ರಿಉತ್ಸವ

ಕಬ್ಬು ಬೆಳೆಗಾರರ ಹಿತರಕ್ಷಣೆ ನಮ್ಮ ಸರ್ಕಾರ ಬದ್ಧ! ಕಿತ್ತೂರು ಬಳಿ ಕಬ್ಬು ಬೆಳೆಗಾರರು ನಡೆಸುತ್ತಿರುವ ಪ್ರತಿಭಟನಾ ಸ್ಥಳಕ್ಕೆ ತೆರಳಿ, ರೈತರ ಅಹವಾಲುಗಳನ್ನು ಆಲಿಸಿರುವ ಮಾನ್ಯ ಮುಖ್ಯಮಂತ್ರಿ ಶ್ರೀ ಡಿ.ಕೆ. ಶಿವಕುಮಾರ್ ಅವರ ನಡೆ ರೈತರ ಹಿತಾಸಕ್ತಿಗೆ ನಮ್ಮ ಸರ್ಕಾರ ನೀಡುತ್ತಿರುವ ಆದ್ಯತೆಯನ್ನು ಪ್ರತಿಬಿಂಬಿಸುತ್ತದೆ. ಕಬ್ಬು ಬೆಳೆಗಾರರಿಗೆ ನ್ಯಾಯ ದೊರಕಿಸಲು ಕೇಂದ್ರ ಸರ್ಕಾರ ಸಕ್ಕರೆಯ ಕನಿಷ್ಠ ಮಾರಾಟ ಬೆಲೆ (MSP) ಹಾಗೂ ಕಬ್ಬಿನ ನ್ಯಾಯಯುತ ಮತ್ತು ಲಾಭದಾಯಕ ಬೆಲೆ (FRP) ಕುರಿತ ಬೇಡಿಕೆಗಳಿಗೆ ಸೂಕ್ತ ಸ್ಪಂದನೆ ನೀಡಬೇಕು. ಕೇಂದ್ರ ಸರ್ಕಾರ ಈ ಸಂಬಂಧ ಸಮಿತಿ ರಚಿಸಿರುವುದು ಸ್ವಾಗತಾರ್ಹವಾಗಿದ್ದು, ಅವರು ತ್ವರಿತವಾಗಿ ನಿರ್ಣಯ ಕೈಗೊಳ್ಳಬೇಕು. ರೈತರ ಬೆವರಿನ ದುಡಿಮೆಗೆ ನ್ಯಾಯಯುತ ಪ್ರತಿಫಲ ದೊರೆಯಬೇಕು; ಕಬ್ಬು ಬೆಳೆಗಾರರ ಹಿತ ಕಾಪಾಡಲು ನಮ್ಮ ಸರ್ಕಾರ ಬದ್ಧವಾಗಿದೆ. @CMofKarnataka @DKShivakumar

ವಿಜಯಪುರ ನಗರದ ನಿಂಬರಗಿ ಬಡಾವಣೆಯ ಶ್ರೀ ವೆಂಕಟೇಶ್ವರ ದೇವಸ್ಥಾನದಲ್ಲಿ ನಡೆದ ಶ್ರೀ ದುರ್ಗಾ ಮಾತೆಯ ಮಹಾಪೂಜೆಯಲ್ಲಿ ಭಾಗವಹಿಸಿದ್ದು ಸಂತಸ ತಂದಿದೆ. ನನ್ನ ಹಾಗೂ ನನ್ನ ಪೂಜ್ಯ ತಂದೆಯವರಾದ ದಿ|| ಬಿ.ಎಂ. ಪಾಟೀಲರ ಸೇವಾ ಕಾರ್ಯಗಳನ್ನು ಹತ್ತಿರದಿಂದ ಗಮನಿಸುತ್ತಾ ಬಂದಿರುವ ಬ್ರಾಹ್ಮಣ ಸಮಾಜದ ಹಿರಿಯರು ಹಾಗೂ ವಿಜಯಪುರದ ಸರ್ವಜ್ಞ ವಿಹಾರ ವಿದ್ಯಾಪೀಠದ ಅಧ್ಯಕ್ಷರಾದ ಪಂಡಿತ ಶ್ರೀ ಮಧ್ವಾಚಾರ್ಯ ಮೊಖಾಶಿ ಅವರು ನಮ್ಮ ಸೇವಾ ಕಾರ್ಯಗಳನ್ನು ಅತ್ಯಂತ ಅಭಿಮಾನದಿಂದ ಶ್ಲಾಘಿಸಿರುವುದು ನನಗೆ ಭಾವನಾತ್ಮಕ ಕ್ಷಣವಾಗಿದೆ. ಪೂಜ್ಯರ ಈ ಮೆಚ್ಚುಗೆಯ ನುಡಿಗಳು ಜನಸೇವೆಯ ಹಾದಿಯಲ್ಲಿ ಇನ್ನಷ್ಟು ಸಮರ್ಪಣಾಭಾವದಿಂದ ಮುನ್ನಡೆಯಲು ಪ್ರೇರಣೆ ನೀಡಿವೆ. ಅವರ ಪ್ರೀತಿ, ವಿಶ್ವಾಸ ಹಾಗೂ ಆಶೀರ್ವಾದಗಳಿಗೆ ನಾನು ಚಿರಋಣಿ. ಜನರ ಪ್ರೀತಿ, ಹಿರಿಯರ ಆಶೀರ್ವಾದವೇ ನಮ್ಮ ಸೇವಾ ಪಯಣದ ನಿಜವಾದ ಶಕ್ತಿ.

ದೇವಮ್ಮ ಅವರ ಸಾಧನೆಯ ಹಾದಿಯಲ್ಲಿ ಹಲವು ಮೈಲಿಗಲ್ಲುಗಳು! ಯಾದಗಿರಿ ಜಿಲ್ಲೆಯ ಸುರಪುರ ತಾಲೂಕಿನ ದೇವಿಪುರ ಎಂಬ ಪುಟ್ಟ ಗ್ರಾಮದ ಪ್ರತಿಭೆ ದೇವಮ್ಮ ಮಾನಪ್ಪ ಅವರ ಸಾಧನೆ ನನಗೆ ಅಪಾರ ಸಂತಸ ಮತ್ತು ಹೆಮ್ಮೆ ತಂದಿದೆ. ಕಡು ಬಡತನದ ನಡುವೆಯೂ ಛಲ, ಪರಿಶ್ರಮ ಮತ್ತು ಆತ್ಮವಿಶ್ವಾಸದಿಂದ ಬಿಲ್ಲುಗಾರಿಕೆ (ಆರ್ಚರಿ)ಯಲ್ಲಿ ಸಾಧನೆಯ ಶಿಖರವನ್ನೇರುವತ್ತ ಮುನ್ನಡೆಯುತ್ತಿರುವ ದೇವಮ್ಮ ನಿಜಕ್ಕೂ ಸ್ಫೂರ್ತಿಯ ಚಿಲುಮೆ. ಕಳೆದ ವರ್ಷ ನಮ್ಮ ಪ್ರಯತ್ನದಿಂದ ಸಿಎಸ್ಆರ್ ನಿಧಿಯಡಿ ₹3.5 ಲಕ್ಷ ಮೌಲ್ಯದ ಬಿಲ್ಲು, ಬಾಣ ಸೇರಿದಂತೆ ಅಗತ್ಯ ಕ್ರೀಡಾ ಪರಿಕರಗಳನ್ನು ಒದಗಿಸಲಾಗಿತ್ತು. ಇಂದು ಅದೇ ಕ್ರೀಡಾ ಕಿಟ್ನ ನೆರವಿನಿಂದ ದೇವಮ್ಮ ಚಿನ್ನ, ಬೆಳ್ಳಿ ಸೇರಿದಂತೆ ಹಲವು ಪದಕಗಳನ್ನು ಗೆದ್ದು ಸಾಧನೆಯ ನಗೆ ಬೀರಿರುವುದು ನಮ್ಮ ನೆರವಿಗೆ ಸಿಕ್ಕ ಸಾರ್ಥಕ ಪ್ರತಿಫಲ! ಜೊತೆಗೆ ರಾಜ್ಯ ಹಾಗೂ ರಾಷ್ಟ್ರಮಟ್ಟದ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಪದಕಗಳನ್ನು ಗೆದ್ದಿರುವ ಅವರ ಸಾಧನೆಯ ಪಯಣ ಹೆಮ್ಮೆಯ ಸಂಗತಿ. ದೇವಮ್ಮ ಅವರ ಪ್ರಮುಖ ಸಾಧನೆಗಳು: ▶️ 2025–26ನೇ ಸಾಲಿನ ಕರ್ನಾಟಕ ಕ್ರೀಡಾಕೂಟದಲ್ಲಿ ಚಿನ್ನ, ಬೆಳ್ಳಿ ಹಾಗೂ ಕಂಚು ಸೇರಿದಂತೆ ಮೂರು ಪದಕಗಳು ▶️ 2025ರ ಕರ್ನಾಟಕ ಒಲಿಂಪಿಕ್ ಕ್ರೀಡಾಕೂಟ, ಉಡುಪಿಯಲ್ಲಿ ದ್ವಿತೀಯ ಸ್ಥಾನ ▶️ 2025ರ ದಸರಾ ಸಿಎಂ ಕಪ್ ಬಿಲ್ಲುಗಾರಿಕೆ ಚಾಂಪಿಯನ್ಶಿಪ್ನಲ್ಲಿ ಪದಕಗಳ ಸಾಧನೆ ▶️ 2024ರ ಮೈಸೂರು ದಸರಾ ವಿಭಾಗಮಟ್ಟದ ಸ್ಪರ್ಧೆಯಲ್ಲಿ ದ್ವಿತೀಯ ಸ್ಥಾನ ▶️ 2023ರ ಮೈಸೂರು ದಸರಾ ಕ್ರೀಡಾಕೂಟದಲ್ಲಿ ನಾಲ್ಕನೇ ಸ್ಥಾನ ▶️ ಗೋವಾದಲ್ಲಿ ನಡೆದ ಓಪನ್ ನ್ಯಾಷನಲ್ ಕ್ರೀಡಾಕೂಟದಲ್ಲಿ ಎರಡು ಚಿನ್ನದ ಪದಕಗಳು ಇಂದು ದೇವಮ್ಮ ಅವರನ್ನು ಭೇಟಿಯಾಗಿ ಅಭಿನಂದಿಸಿದಾಗ, ಅವರ ಸಾಧನೆಯ ಹಿಂದಿರುವ ಕಠಿಣ ಪರಿಶ್ರಮ ಮತ್ತು ಅಚಲ ಸಂಕಲ್ಪ ಮನಸ್ಸಿಗೆ ತಟ್ಟಿತು. ಪ್ರತಿಭೆಗೆ ಸರಿಯಾದ ಅವಕಾಶ ಮತ್ತು ಪ್ರೋತ್ಸಾಹ ದೊರೆತರೆ ಬಡತನ ಸಾಧನೆಗೆ ಎಂದಿಗೂ ಅಡ್ಡಿಯಾಗಲಾರದು ಎಂಬುದಕ್ಕೆ ದೇವಮ್ಮ ಅವರೇ ಸಾಕ್ಷಿ. ಅವರ ಮುಂದಿನ ಗುರಿಗಳಿಗೆ ಬೆಂಬಲವಾಗಿ ನಿಲ್ಲುವ ಭರವಸೆ ನೀಡಿದ್ದೇನೆ. ದೇವಮ್ಮ ಅವರ ಬಿಲ್ಲು-ಬಾಣಗಳು ಒಲಿಂಪಿಕ್ಸ್ನಲ್ಲೂ ಭಾರತದ ವಿಜಯದ ಗುರಿಯನ್ನು ತಲುಪಲಿ; ಅವರ ಸಾಧನೆಯ ಬಾಣ ದೇಶದ ಕೀರ್ತಿಯನ್ನು ವಿಶ್ವದಾದ್ಯಂತ ಪಸರಿಸಲಿ ಎಂಬುದು ನನ್ನ ಹಾರೈಕೆ!

ಗ್ರಾಮೀಣ ಪ್ರತಿಭೆಗೆ ಪ್ರೋತ್ಸಾಹದ ಬಲ: ಒಲಿಂಪಿಕ್ಸ್ ದಾರಿಯಲ್ಲಿ ಕಲ್ಯಾಣ ಕರ್ನಾಟಕದ ಬಿಲ್ಲುಗಾರ್ತಿ ದೇವಮ್ಮ! ಯಾದಗಿರಿ ಜಿಲ್ಲೆಯ ಸುರಪುರ ತಾಲೂಕಿನ ದೇವಿಪುರ ಗ್ರಾಮದ ಯುವ ಬಿಲ್ಲುಗಾರ್ತಿ ದೇವಮ್ಮ ಮಾನಪ್ಪ ಅವರ ಸಾಧನೆ ನನಗೆ ಅಪಾರ ಸಂತಸ ಮತ್ತು ಹೆಮ್ಮೆ ತಂದಿದೆ. ಬಡ ಕುಟುಂಬದ ದೇವಮ್ಮ ಅವರಿಗೆ ಕಳೆದ ವರ್ಷ ಸಿಎಸ್ಆರ್ ನಿಧಿಯಡಿ ₹3.5 ಲಕ್ಷ ಮೌಲ್ಯದ ಬಿಲ್ಲುಗಾರಿಕೆ ಕ್ರೀಡಾ ಕಿಟ್ ಒದಗಿಸಿದ್ದೆ. ಇದರಿಂದಾಗಿ 2025ರ ದಸರಾ ಕ್ರೀಡಾಕೂಟದಲ್ಲಿ ಬಿಲ್ಲುಗಾರಿಕೆ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗಳಿಸುವಂತಾಯಿತು. ಅಲ್ಲದೆ ವಿವಿಧ ಸ್ಪರ್ಧೆಗಳಲ್ಲಿ ಪದಕಗಳನ್ನು ಗಳಿಸಿರುವ ಅವರು ಈ ದಿನ ಚಿನ್ನ, ಬೆಳ್ಳಿ ಪದಕಗಳೊಂದಿಗೆ ನನ್ನನ್ನು ಭೇಟಿಯಾಗಿ ತಮ್ಮ ಸಾಧನೆಯ ಪಯಣವನ್ನು ಹಂಚಿಕೊಂಡಿದ್ದು, ಅವರ ಪರಿಶ್ರಮ ಮತ್ತು ಛಲಕ್ಕೆ ಮನಸೋತೆ. ತಂದೆಯನ್ನು ಕಳೆದುಕೊಂಡು, ಸೀಮಿತ ಆರ್ಥಿಕ ಸೌಲಭ್ಯಗಳ ನಡುವೆಯೂ ರಾಜ್ಯ ಹಾಗೂ ರಾಷ್ಟ್ರಮಟ್ಟದಲ್ಲಿ ಸಾಧನೆ ಮಾಡುತ್ತಿರುವ ದೇವಮ್ಮ ಅವರ ಕನಸುಗಳಿಗೆ ಬೆಂಬಲವಾಗಿ ನಿಲ್ಲುವುದು ನಮ್ಮ ಕರ್ತವ್ಯ. ಅವರಿಗೆ ಮುಂದಿನ ದಿನಗಳಲ್ಲಿ ಒಲಿಂಪಿಕ್ ಮಟ್ಟದ ತರಬೇತಿ ಮತ್ತು ಅಗತ್ಯ ಕ್ರೀಡಾ ಪರಿಕರಗಳಿಗಾಗಿ ಎಲ್ಲ ರೀತಿಯ ಸಹಕಾರ ನೀಡುವ ಭರವಸೆ ನೀಡಿದ್ದೇನೆ. ಪ್ರತಿಭೆಗೆ ಪ್ರೋತ್ಸಾಹ, ಪರಿಶ್ರಮಕ್ಕೆ ಬೆಂಬಲ ದೊರೆತರೆ ಗ್ರಾಮೀಣ ಕ್ರೀಡಾಪಟುಗಳೂ ಜಾಗತಿಕ ವೇದಿಕೆಯಲ್ಲಿ ಮಿಂಚಬಲ್ಲರು. ದೇವಮ್ಮ ಅವರು ಒಲಿಂಪಿಕ್ಸ್ನಲ್ಲಿ ಭಾರತದ ಪರ ಪದಕ ಗೆಲ್ಲುವ ಎತ್ತರಕ್ಕೆ ಬೆಳೆಯಲಿ ಎಂಬುದು ನನ್ನ ಹಾರೈಕೆ.

ಭಕ್ತಿ-ಶ್ರದ್ಧೆಯ ಸಂಗಮ: ನವರಾತ್ರಿಯ ದುರ್ಗಾ ಮಂಡಲ ಮಹಾಪೂಜೆಯಲ್ಲಿ ಭಾಗಿ ವಿಜಯಪುರ ನಗರದ ನಿಂಬರಗಿ ಬಡಾವಣೆಯ ಶ್ರೀ ವೆಂಕಟೇಶ್ವರ ದೇವಸ್ಥಾನದಲ್ಲಿ ನಡೆದ ಶ್ರೀ ದುರ್ಗಾ ಮಾತೆಯ ಮಹಾಪೂಜೆಯಲ್ಲಿ ಭಾಗವಹಿಸಿ, ಸಾಲಿಗ್ರಾಮ ಶಿಲಾಮಯ ಶ್ರೀ ವೆಂಕಟೇಶ್ವರ ಸ್ವಾಮಿ ಹಾಗೂ ದುರ್ಗಾ ಮಾತೆಯ ದರ್ಶನ ಪಡೆದು ಆಶೀರ್ವಾದ ಸ್ವೀಕರಿಸಿದೆ. ಈ ಸಂದರ್ಭದಲ್ಲಿ ವ್ಯಾಸ-ಮಧ್ವ ಸಂಸ್ಕೃತ ವಿದ್ಯಾಲಯದ ಧರ್ಮದರ್ಶಿಗಳಾದ ಪಂಡಿತ ಶ್ರೀ ವೇದನಿಧಿ ಆಚಾರ್ಯ, ಬ್ರಾಹ್ಮಣ ಸಮಾಜದ ಹಿರಿಯರಾದ ಪಂಡಿತ ಶ್ರೀ ಮಧ್ವಾಚಾರ್ಯ ಮೊಕಾಶಿ, ಅಧ್ಯಕ್ಷರಾದ ಡಾ. ಉಪೇಂದ್ರ ನರಸಾಪುರ, ಶ್ರೀ ಆನಂದ ಜೋಶಿ, ಶ್ರೀ ಗಿರೀಶ ಅಕಮಂಚಿ, ಶ್ರೀ ರಾಘವೇಂದ್ರ ಪುರೋಹಿತ, ಶ್ರೀ ಎಂ.ಕೆ. ಜೋಶಿ, ಶ್ರೀ ತಡಸ್ ಸೇರಿದಂತೆ ವಿಪ್ರ ಸಮಾಜದ ಬಂಧುಗಳು ಹಾಗೂ ಭಕ್ತರು ಉಪಸ್ಥಿತರಿದ್ದರು. ದುರ್ಗಾ ಮಾತೆಯ ಕೃಪಾಶೀರ್ವಾದದಿಂದ ಸರ್ವರ ಬಾಳಿನಲ್ಲಿ ಸುಖ, ಶಾಂತಿ, ಸಮೃದ್ಧಿ ನೆಲೆಸಿ, ಲೋಕಕಲ್ಯಾಣವಾಗಲಿ ಎಂದು ಪ್ರಾರ್ಥಿಸುತ್ತೇನೆ.

ಕರ್ನಾಟಕದ ಕೈಗಾರಿಕಾ ಹೂಡಿಕೆಯಲ್ಲಿ ಐತಿಹಾಸಿಕ ಮೈಲಿಗಲ್ಲು! 🔹 ‘ಜಿಮ್‌–2025’ರ ₹10.27 ಲಕ್ಷ ಕೋಟಿ ಹೂಡಿಕೆ ಪ್ರಸ್ತಾವನೆಗಳ ಪೈಕಿ ₹5.20 ಲಕ್ಷ ಕೋಟಿಗೂ ಅಧಿಕ ಹೂಡಿಕೆ ಸಾಕಾರ; ಶೇ.50ಕ್ಕೂ ಹೆಚ್ಚು ಅನುಷ್ಠಾನ! 🔹 ಉತ್ಪಾದನಾ ವಲಯದಲ್ಲಿ ಶೇ.65ರಷ್ಟು ಅನುಷ್ಠಾನ ಸಾಧನೆ. 🔹 ಬೆಂಗಳೂರು ಹೊರತುಪಡಿಸಿ 9 ಪ್ರಮುಖ ಯೋಜನೆಗಳ ಅನುಷ್ಠಾನ; ಉತ್ತರ ಕರ್ನಾಟಕದ ಜಿಲ್ಲೆಗಳಿಗೆ ಬೃಹತ್ ಹೂಡಿಕೆಗಳ ಬಲ. 🔹 ಹೂಡಿಕೆಗಳನ್ನು ಉದ್ಯೋಗಾವಕಾಶಗಳಾಗಿ ಪರಿವರ್ತಿಸಿ, ಪ್ರಾದೇಶಿಕ ಸಮತೋಲಿತ ಅಭಿವೃದ್ಧಿಗೆ ವೇಗ ನೀಡುವ ಗುರಿ. 🔹 ಮುಂದಿನ ಗುರಿ ಶೇ.80ರಷ್ಟು ಅನುಷ್ಠಾನ! ಹೂಡಿಕೆಗಳ ಭರವಸೆಯಿಂದ ಸಾಧನೆಯತ್ತ; ಸಮೃದ್ಧ ಕರ್ನಾಟಕದ ನಿರ್ಮಾಣವೇ ನಮ್ಮ ಸಂಕಲ್ಪ! #GIM2025 #beyondbengaluru #InvestKarnataka

ನವರಾತ್ರಿ ಒಂಭತ್ತನೇ ದಿನವಾದ ನವಮಿಯಲ್ಲಿ ದುರ್ಗಾದೇವಿಯ ಸಿದ್ಧಿಧಾತ್ರಿರೂಪವನ್ನು ಆರಾಧಿಸಲಾಗುತ್ತದೆ. ಸಿದ್ಧಿಧಾತ್ರಿಯು ಭಕ್ತರಿಗೆ ಎಲ್ಲಾ ವಿಧದ ಸಿದ್ಧಿಗಳನ್ನು ನೀಡುತ್ತಾಳೆ ಎಂಬ ನಂಬಿಕೆ ಇದೆ. ತಾಯಿಯ ದಿವ್ಯ ಕೃಪೆಯಿಂದ ಎಲ್ಲರ ಜೀವನದಲ್ಲಿ ಸುಖ, ಶಾಂತಿ ಮತ್ತು ನೆಮ್ಮದಿ ನೆಲೆಸಲಿ. #ನವರಾತ್ರಿ

ಪೂಜ್ಯ ಸಿದ್ದೇಶ್ವರ ಸ್ವಾಮೀಜಿಯವರ ದಿವ್ಯ ಚಿಂತನೆಗಳು ಕಾಲಕಾಲಕ್ಕೆ ಪ್ರಕೃತಿಸಹಜವಾಗಿ ಏನಾಗಬೇಕೋ ಅದು ಆಗಿಯೇ ಆಗುತ್ತದೆ. ಅವುಗಳ ಬಗ್ಗೆಲ್ಲ ತಲೆಕೆಡಿಸಿಕೊಳ್ಳಬಾರದು. ಅನಿಶ್ಚಿತತೆಗೆ ಅಂಜಬಾರದು. ಮನುಷ್ಯ ನಿಶ್ಚಿಂತೆಯಿಂದ ಬದುಕಬೇಕು. #SiddeshwaraSwamiji